Жаңалықтарды Telegram арнамыздан оқыңыз!Бүгін елордада физика-математика ғылымдарың докторы, профессор Төлеубай Амановтың туғанына 100 жыл толуына орай «Талдау, дифференциалдық теңдеулер және олардың қолданылуы» атты халықаралық ғылыми конференция өтті.
Төлеубай Аманов — отандық математика ғылымының дамуына ерекше үлес қосқан көрнекті ғалым. Сонымен қатар оның математикалық физиканың қиырсыз кеңістігінде жасаған теориясы жалпы ғылым саласына елеулі жаңалық. Қоғам қайраткерінің құрметіне өткен шараға профессордың шәкірттері, жас ғалымдар мен шетелдік ғалымдар қатысты. Онда ғалымның ғылыми жұмыстары мен еңбектеріне шолу жасалды.
Рысқұл Ойнарұлы, ҚР Ұлттық ғылым академиясының академигі:
Қазіргі математика саласында, оның ішінде теорияда функциясының ашылуына күш салған осы біздің қазақ — Төлеубай Аманов. Біз соны ардақтап, атамызды еске алып жатырмыз. Ғылымның әрі қарай жалғасын талдап жатырмыз. Осындай конференцияда толқындар болады. Жетістіктерін айтады. Мұндай конференция да ғылымның дамуына үлкен үлес қосады.
Ақмаржан Ғафизқызы
