Петропавлда республикалық жыр мүшәйрасының жеңімпаздары марапатталды

Жазба ақындарға арналған сайыс Алаш қайраткері Мағжан Жұмабаевтың туғанына 130 жыл толуына орай ұйымдастырылды. Жыр додасында Қазақстанның түкпір-түкпірінен 100-ге тарта сайыскер бақ сынады. Олардың арасынан 9 үздік өлеңнің авторы іріктеліп алынды. Жеңімпаздардың барлығы Мағжан Жұмабаев атындағы әдеби сыйлықтың лауреаты атанды. Мұндай сыйлық елімізде алғаш рет тағайындалды.