Үндістанды су басты

Үндістанда муссон жаңбырлары маусымы басталды. Ел астанасы Нью-Делимен серіктес Гуруграм қаласының көшелері өзенге айналған. Сондықтан мұнда көлік қатынасы тежеліп, тұрғындар тізеден су кешіп жүр. Синоптиктердің ескертуінше, апта соңына дейін жауын құяды. Сондықтан тасқын әлі күшеюі мүмкін.

Айта кетейік, Үндістан 1,3 миллиард тұрғынын асырау үшін жаңбырға мұқтаж. Өйткені халықтың көбі ауыл шаруашылығымен күнелтіп отыр. Алайда дренаж жүйесінің тозығы жеткендіктен топан су мен батпақ елге қауіп төндіріп отыр.

Арыстан Рысбек