Жаңалықтарды Telegram арнамыздан оқыңыз!Қарағандыда алимент төлемегендердің берешегі 1,7 миллиард теңгеге жеткен. Жауапсыз әкелердің салдарынан 22 мың бала бұл қаражаттан қағылып отыр. Облыс прокурорының мәліметінше, 86 азамат нақты табысын жасырып келген.
Сондай-ақ сот орындаушылардың әрекетсіздігінен 28 мүлік нысаны, 300-ден астам мал басы мен 22 техника тәркіленбей қалған. Енді құзырлы орган борышкерлерді қылмыстық немесе әкімшілік жаза бойынша қудалауды қарастыруда.
Бекзат Ахметов, облыстық прокуратураның басқарма жетекшісі:
Қазір біз Әділет министрлігіне тиісті құжаттарды жолдадық. Алдағы уақытта алиментті өтемей жүрген борышкерлерді Қылмыстық кодекстің 139-бабы бойынша жауапқа тартуды қарастырып жатырмыз. Себебі соңғы кездері кірісін жасырып, алиментті әдейі төлемейін азаматтар қатары жиілеп кетті.
Руслан Нұрланұлы
