Грекияда қайық аударылып, адамдар суға кетті

Грекия жағалауында қайық аударылып, 59 мигрант суға кеткен. Жағалау күзетінің хабарлауынша, 104 адам құтқарылды. Бортта жалпы қанша адам болғаны белгісіз. Хабарсыз кеткендердің саны анықталып жатыр. Қайық Ливияның Тобрук қаласынан Италияға бет алған. Таяу Шығыс, Азия мен Африка елдерінен қашқан босқындар үшін Еуро Одаққа апаратын негізгі бағыттардың бірі- Грекия. Біріккен Ұлттар Ұйымының мәліметінше, биыл Италия, Испания мен Кипр сияқты елдерге 72 мыңдай босқын жеткен.

Арыстан Рысбек