Жаңалықтарды Telegram арнамыздан оқыңыз!Жапония премьер-министрі елде туу көрсеткішін көтеру үшін жаңа жоспар жариялады. Оған сай, алдағы үш жылда бала күтімі бойынша жәрдемақы төлеуге арнайы 25 млрд доллар бөлінбек. 2030 жылға таман бала күтіміне арналған шығындарды екі есе арттыру көзделген. Үкімет басшысының айтуынша, «халықтың қартаюы әлемдегі үшінші ірі экономикаға қауіп төндіріп тұр. Сондықтан, ол кезек күттірмей шешілуге тиіс мәселе». Жапония басылымдарының хабарлауынша, бұл жоспарын жүзеге асыру үшін Кисида осы аптада Парламентті таратып, мезгілінен бұрын сайлауы жариялауы да мүмкін.
Арай Төлеген
