12 маусым - Жалпыұлттық аза тұту күні

12 маусым елімізде Жалпыұлттық аза тұту күні болып жарияланды. Бұл туралы Мемлекет басшысы Абай облысына жұмыс сапары кезінде өрттен қайтыс болған орманшылардың отбасы-жақындарымен кездесуінде айтты.

Жалпыұлттық аза тұту күні барлық мемлекеттік органдар мен мекемелерде мемлекеттік ту төмен түсіріледі. Ойын-сауық және көңіл көтеру сипатындағы бағдарламалар мен іс-шаралар тоқтатылады.

Қасым-Жомарт Тоқаев, Қазақстан Республикасының Президенті:

Осы қайғылы жағдайға кінәлілердің бәрі заң бойынша жауапқа тартылады. Дүйсенбі күнін еліміз бойынша Жалпыұлттық аза тұту күні деп жарияладым. Біз қаза тапқан азаматтарды еске аламыз. Сабыр сақтап, бекем болыңыздар. Құқық қорғау органдары мен министрліктер тарапынан болсын, барлық сала бойынша тиісті шаралар қабылданады. Қазір кеңес өткіземін. Бұл жағдайдан міндетті түрде тиісті қорытынды шығарамыз.

Дарын Сағитов