Жаңалықтарды Telegram арнамыздан оқыңыз!Елордадағы тұрғын үй кешендерінің бірінде жер асты көлік тұрағы өртенді. Алдын ала болжам бойынша, сұйытылған газбен жүретін көліктен өрт шыққан болуы мүмкін. Үш бірдей қойма мен 6 жеңіл көлік жанып кеткен. Оларға жақын тұрған тағы 4 машинаны жалын шарпып, зақымданған. Жоғарғы қабаттарда тұратын 20-ға тарта адам эвакуацияланды. Оның алтауы бала. Алдын ала болжам бойынша, «газдан улану» диагнозымен 3 адам ауруханаға жеткізілген. Оқиға орнына өрт сөндірушілер жедел жетіп, тілсіз жау сөндірілді. Қызыл жалынмен күреске 70 қызметкер мен 18 техника жұмылдырылған.
