Оралдың 12 ауданында көк Ту желбіреді

Оралда да мемлекеттік рәміздер күні ерекше сән-салтанатпен аталып өтті. Бір апта бойына көк Туымыз өңірдің 12 ауданын түгел аралап, мереке күні басты алаңда тұғырға қонды.

Әуелі сәйгүлікке мінгендер көк байрақты алып, сайын даламен жүріп өтті. Егістіктегі техника, автошеру де туды желбіретті. Жаңақала мен Қаратөбе аудандарының өнерпаздары қастерлі нышандарды ән-күйге қосты. Он екі ауданды қамтыған бейнеролик алаңда үлкен экраннан көрсетілді. Ал мерекелік концертте эстрада жұлдыздары әннен шашу шашып, оралдықтарға естен кетпес көңіл күй сыйлады.

Ардақ Мұратқызы