Жаңалықтарды Telegram арнамыздан оқыңыз!Мұнай экспорттаушы елдердің ұйымы ОПЕК+ өндірісті азайтуға келісті. Бұл шешім картельдің Венада өткен кездесуінде қабылданды. Мақсат – энергетикалық шикізат бағасының арзандауын тоқтату. ОПЕК-тегі жетекші ел Сауд Арабиясы шілдеден бастап тәуліктік өндірісті 1 миллион баррельге қысқартпақшы. Осы хабардан кейін Азия нарығында Brent маркалы мұнайдың құны барреліне 2,4 пайызға қымбаттап, 77 долларға жақындады. Айта кетсек, ОПЕК пен оның Ресей, Қазақстан тәрізді одақтастары әлемдегі мұнай қорының 40 пайызына ие. Сондықтан альянстың шешімі көмірсутегі нарығына елеулі әсер етіп отырады.
Арыстан Рысбек
