«Алтын Орда» базарындағы заң бұзушылықтар толық жойылады

Прокуратура, полиция, бәсекелестікті қорғау және қаржылық мониторинг агенттіктері «Алтын орда» базарындағы барлық заң бұзушылықтар толығымен жойылғанға дейін жұмыс істейді. Премьер-Министр Әлихан Смайылов сауда орнының жұмысы жөнінде өткен кеңесте осылай деді. Түрлі тексерулер кезінде санитарлық, еңбек, өртке қарсы және салықтық бақылауға қатысты барлығы 300-ден астам заң бұзушылықты анықтаған. Сонымен қатар Алматы агломерациясында баламалы көтерме-тарату орталықтарын құру процесі де жалғасады. Бұл - «Алтын Орда» сауда орнының өңірлік деңгейде әрі бүкіл ел аумағы бойынша баға саясатына ықпалын азайтады. 

Оңғар Алпысбайұлы