Жаңалықтарды Telegram арнамыздан оқыңыз!ІТ салада үлкен серпіліс болуы мүмкін. Қазақстанның өнертапқыштары ең үздік идеяларын ұсынып жатыр. Елдің 13 өңірінде Hackathon Decentrathon шарасы басталды. Бұл Орталық Азиядағы бірінші хакатон. Қазақстанда озық технологиялық ландшафт пен тұрақты блокчейн экожүйесін құру жолындағы тың қадам. Компьютерлік бағдарлама жасаушылар, графикалық дизайнерлер, менеджерлер мен жоба әзірлеушілер бәсекеге түседі. 1200-ден астам қатысушының ішінен үздіктері іріктеледі. Көп салада технологияны енгізетін кадр тапшы. Сондықтан ІТ мамандарына сұраныс көп.
Айдана Қасқырбек, Astana HUB блокчейн орталығының директоры:
Блокчейн саласы қарқын дамуда. Бірақ бұл жаңа және инновациялық технология қазіргі таңдағы жасанды интеллект сияқты. Бірнеше жылдан кейін бұл технология біздің өмірімізге толықтай енеді. Сондықтан бұл технология қарқынды дамуы үшін бізге адами капиталды өсіру керек.
Асима Нұрбайқызы
