Жаңалықтарды Telegram арнамыздан оқыңыз!Қожа Ахмет Яссауи кесенесінің бүгінгі жай-күйі терең зерттеледі. Ол үшін қазынадан 317 млн теңге бөлінді. Бұл іске «ҚазҚайтаЖаңарту» кәсіпорны жауапты. Сонымен қатар зерттеу жұмыстарына «Қазақ Құрылыс және сәулет ғылыми-зерттеу және жобалау», «Гидрогеология және «Геоэкология» институттарының ғалымдары қатысады. Ортағасырлық сәулет өнерінің қазіргі ахуалы қоғамды алаңдатып отыр. Аталған мәселе Мемлекет басшысының тікелей бақылауында. Өткен аптада Мемлекеттік кеңесші Ерлан Қарин Түркістанда кесенені сақтау және оның техникалық ахуалына қатысты кеңес өткізген болатын.
Айнұр Әбілқасымқызы
