АҚШ-та болуы ықтимал дефолт әлемді дағдарысқа ұшыратады

АҚШ-та болуы ықтимал дефолт әлемді дағдарысқа ұшыратады. Құрама Штаттар президенті Джо Байден осылай деп мәлімдеді. Дефолт бола қалса ел экономикасы рецессияға аяқ басып, Вашинтгонның халықаралық беделіне нұқсан келеді. Бұған қоса Байден қазіргі дағдарысқа республикалықтарды айыптады. Бұған дейін Конгрестің төменгі палатасын басқаратын республикалықтар мемлекеттік қарыз шегін 1,5 триллион долларға ұлғайту үшін бюджеттік шығындарды қысқартуды ұсынды. Дегенмен Сенат бұған қарсы шықты. Бұл мәселе бойынша ортақ келісім жасалмаса АҚШ 1 маусымда дефолт жариялауы мүмкін.

Джо Байден, АҚШ президенті:

Біз қарызымызды төлей алмасақ, бұл әлем үшін қиын болады. Бұл қолдан жасалған дағдарыс. Америка әлемдегі ең күшті экономикаға ие. Демек қарызын өтей алады. Шығындарды, дефицитті дағдарысқа жол бермей жауапты түрде қысқартуымыз керек.

Арай Төлегенқызы