Жаңалықтарды Telegram арнамыздан оқыңыз!Шығыс Қазақстан облысы Алтай ауданындағы бір кәсіпорын ауаға шығарылған зиянды заттар мөлшерін рұқсат етілген шектен асырып жібергені дәлелденді. Экологиялық сараптаманың қорытындысына сәйкес, Облыстық сот өндіріске 256 мың 615 теңге мөлшерінде айыппұл салды. Алайда істі бақылауға алған прокуратура сот белгілеген айыппұл мөлшеріне наразылық білдіріп қайта тексеру жүргізеді. Нәтижесінде экологиялық инспектор залалды бағалау кезінде заң бұзушылықтың барлық кезеңін есепке алмағанын анықтайды. Айыппұлды да айтарлықтай азайтқанын дәлелдейді. Осыдан соң сот істі қайта қарай келе кәсіпорынға 44 миллион 824 мың теңге айппұл салады. Компания өкілі де бұл шешіммен келісті.
Олжас Керейхан
