Англияда мұғалімдер шеруге шықты

Англияда мұғалімдер шеруге шығып, 11 мыңдай оқушы сабаққа бармады. Ұстаздар қауымы жалақының аздығына наразы.

Фискалдық зерттеулер институтының мәліметінше, табыс соңғы 10 жылда 11%-ға төмендеген. Кәсіподақтар айлықтың инфляция деңгейінен жоғары болуын талап етіп отыр. Бірақ ондай қаражат бюджетте қарастырылмаған. Биліктегілер 1000 фунт көлеміндегі бір жолғы төлемақы ғана ұсынуда. Жалпыұлттық ереуіл ақпан айынан бері төртінші рет өткізіліп отыр

Мария Смит, мұғалім:

Тапқан табысымыз біздің еңбегімізге татымайды. Ақысы төленбейтін көп жұмыс жасаймыз. Мысалы, сенбі күндері мектепке барамыз. Айлығымыз шайлығымызға жетпейді. Қазір бәрі қымбат.

Марина Бекенова