Бүгін Ақ Паралимпиаданың алауы тұтанады

Бүгін Италияда он төртінші Қысқы Паралимпиада ойындары басталады. Күллі әлем көз тіккен додада Қазақстан намысын спорттың 2 түрінен 7 атлет қорғайды. Отандастарымыз ертеңнен бастап жүлдеге таласады. Санаулы сағаттан соң Верона қаласында Ақ ойындар салтанатты түрде ашылмақ. Дайындық барысын қазір Италияда жүрген тілшімізден сұрайық.

Азат Қадырбек, тілші:

Италиямен Қазақстанның уақыт айырмасы 4-сағат. Уақыт белдеуіне әзірге бой үйретіп үлгермедік. Қазір, жерлестеріміз өнер көрсететін Предаццо аймағынан ашылу салтанатын тамашлау үшін жолға шықтық. Бүгінгі ашылу салтанатында ту ұстау құрметі Нұрлан Әлімовқа бұйырды. 38-жастағы жерлесіміз пара шаңғы мен пара биатлоннан әлемдік серия жарыстарының қатысушысы. Жер-жаһан асыға күткен ақ Паралимпиаданың ашылу салтанатын бүгін «Qazsport» телеарнасынан тікелей эфирде 23:50-ден бастап тамашалай аласыздар. Ертең 4-бірдей отандасымыз жарыс жолына шығады. Әзірге мендегі ақпарат осы.