Жаңалықтарды Telegram арнамыздан оқыңыз!Футболдан UEFA Чемпиондар лигасының жартылай финалына шыққан екі команда анықталды. Бірінші кездесу италиялық қос команда арасында арасында өтті. Алғашқы ойында миландық клуб 1:0 есебімен басым түскен болатын. Сондықтан жанкүйерлер «Наполи»-ден қарқынды шабуыл күтті. Ойынның 22-минутында «Миланның» шабуылшысы Оливье Жиру пенальтиден мүлт кетті. Десе де, бірінші тайм аяқталар сәтте көздеген нысанадан мүлт кеткен жоқ. Есеп 1:0. Ал ойынның 93-минутында «Наполи» сапынан Виктор Осимхэн таразы басын теңестіріп, кездесу 1:1 есебімен тең аяқталды. Екі ойынның нәтижесі бойынша «Милан» жартылай финалға жолдама алды. Ал, Лондонда «Реал Мадрид» клубы «Челсимен» матч өткізді. Бірінші кездесуде Испания астанасының футболшылары 2:0 есебімен жеңген. Бұл жолғы кездесуде де «Реалдықтар» мықтылығын дәлелдеді. Қарымта кездесу де 2:0 есебімен аяқталды. Лондондық команданың қақпасына екі голды да 58 және 80-минуттарда вингер Родриго салды. Бүгін түнгі 00:50-де «Интер» мен «БенфИка» жартылай финалдың жолдамасына таласады. Мачты Ұлттық арна тікелей эфирде көрсетеді. Ал, «Бавария» мен «Манчестер Сити»» командаларының кездесуін «Қазспорт» телеарнасынан көре аласыздар.
Данияр Асылбек
