Жаңалықтарды Telegram арнамыздан оқыңыз!Жапония билігі бүгін Хоккайдо тұрғындарына шұғыл көшу туралы ескерту жасады. Бұған Солтүстік Кореяның зымыран сынауы түрткі болған. Баллистикалық ракета Жапония теңізіне барып құлаған. Бұл туралы Күншығыс елінің әскерилері мәлімдеді. Зымыран құлаған жер Жапонияның айрықша экономикалық аймағынан тысқары орналасқан. Бұдан екі күн бұрын Солтүстік Корея лидері Ким Чен Ын АҚШ пен Оңтүстік Корея арасында өткен әскери жаттығуларды сынап, бұл әрекетті шиеленістің өршуі деп атады.
Арай Төлегенқызы
