Жаңалықтарды Telegram арнамыздан оқыңыз!Көкшетау қаласында жоғары медициналық колледждің 17 студенті астан уланып, ауруханаға түсті. Олар шаһардағы қоғамдық тамақтандыру орындарының бірінен суши сатып алған. Кейін бәрінің іші ауырып, жедел жәрдем шақырыпты. Қазіргі уақытта студенттердің жағдайы бірқалыпты. Олар амбулаториялық ем алып, үйлеріне жіберілді. Осыдан кейін жақында ашылған дәмхананы санитар дәрігерлер тексеріп, үш аспазбен ондағы азық-түліктен стафилококк таяқшасын тапқан. Дәмхана уақытша жабылып, сотқа дейінгі тергеу басталды.
Ұмсындық Наурызбаева
