Халықаралық байқаушылар сайлау барысына «оң» баға берді

Онлайн марафон аясында халықаралық сарапшылар сайлау барысына «оң» баға берді. Словакия Халық Радасының депутаты, Еуропа істері жөніндегі комитет төрағасының орынбасары Петер Кмец пен Хорватияның Конституциялық сотының судьясы Мато Арлович студия қонағы болып, пікірлерін айтты. Олар сайлаудың ұйымдастырылуын, халықтың белсенділігін жоғары бағалап отыр. 

Петер Кмец, Словакия Халық Радасының депутаты, Еуропа істері жөніндегі комитет төрағасының орынбасары:

Сайлау учаскелерінде барлығы бірқалыпты, жақсы өтіп жатыр. Бүгінгі тұтас күн де солай өтеді деп ойлаймын. Адамдар өз таңдауын жасап, кандидаттарға дауыс беріп, үн қосып жатыр. Бүгін оның үстіне қар жауып тұр. Бұл жақсылықтың нышаны деп жатамыз. Сайлау сәтті өтеді деп үміттенеміз!