Қарағанды облысында «Exitpoll» өкілдері әлеуметтік сауалнама жүргізіп жатыр

Еліміздің барлық өңірлерінде сайлауда дауыс берген жұртшылық арасында «Еxitpoll» өкілдері әлеуметтік сауалнама жүргізіп жатыр. Соның негізінде қай партияның немесе кандидаттың басым дауыс жинағанын болжамды түрде анықтайды. Кеншілер өңірі Қарағандыда да интервьюерлер бүгін таңғы 7-ден бастап өз жұмысын бастады. Олардың әрқайсысы өздеріне белгіленен учаске алдында төрт кезеңнен тұратын сауалнама жасауы тиіс.

Всеволод Зиболов, «Exitpoll» өкілі:

Біз таңғы сағат 7-ден кешке дауыс беру науқаны біткенге дейін әлеуметтік сауалнама жүргіземіз. Тұрғындардан қай партияға, кімге дауыс бергенін сұраймыз. Бірақ ақпарат құпия сақталатындықтан еш алаңдауға негіз жоқ. Жұртшылықтың таңнан бастап сайлауға белсенділігі жоғары. Кешке дейін осы учаскеге бірнеше мәрте келіп, кемі қырық адамға сауалнама жүргіземін.

Руслан Нұрланұлы