Жаңалықтарды Telegram арнамыздан оқыңыз!Мемлекет басшысының былтыр наурызда жасаған халыққа жолдауы біраз түйткілдерді шешуге септігін тигізді. Халық пікірі осындай. Одан бөлек, Қазақстанды демократиялық елге айналдырудағы саяси реформалар өзінің нәтижесін береді деген сенімде.
Рауан Байдалы, PНD доктор:
Парламенттегі, Сенаттағы депутаттарға қатысты мәселе көтерілген еді. Олардың санын қысқартты. Тағы өзекті мәселе – Ассамблеяға қатысты болды. Біз унитарлы мемлекетпіз. Бізде автономия жоқ. Сол себепті бәрі сайлауға, додаға түсіп жеңіп шығуы керек. Бәріне бірдей мүмкіндік берілуі керек.
Сағындық Қожамсейітов, қоғам қайраткері:
Халықтың тілегі ескерілетін, тарихи маңызын түсінетін үкімет бар екеніне көз жетті. Осы бір жыл ішінде облыста бірсыпыра шаралар іске асырылды. Халықтың әл-ауқатын көтеру, ол үшін өндірісті дамыту, әсіресе түсті металл мен сирек шашыранды металлдарды өндіру жағынан бетбұрыс болды.
