Рамазан айы 23 наурызда басталады

Оразаның басталуына 10 күн қалды. Рамазан айы наурыздың 23-і басталып, 20 сәуірде аяқталады.

Қазақстан мұсылмандары діни басқармасының дерегінше, Қадір түні 17 сәуірден 18 сәуірге қараған түнге түсіп тұр. Ал пітір садақасының мөлшері адам басына 535 теңге. Түрлі себептермен ораза ұстай алмай қалғандар федиа садақасын беруге болады. Оның көлемі 1 күнге 3 мың теңге. Бүгін бас мүфти ораза кезінде кәсіпкерлерді азық-түлік бағасын 10 пайызға арзандатуға шақырды. Сондай-ақ, азаматтарды қайырымдылық жасауға үндеді.

Наурызбай қажы Тағанұлы, ҚМДБ төрағасы, бас мүфти:

Барша қауымға қасиетті айда арақ-шарап ішілмесе, дүкендерде сатылмаса, мүмкіндігінше құдай астар кешкі уақытта өткізілсе деген тілегімізді жеткіземіз.