Басты Жаңалықтар 25 наурыздан бастап «Qazaqstan дауысы. Балалар» мегажобасы эфирге шығады

25 наурыздан бастап «Qazaqstan дауысы. Балалар» мегажобасы эфирге шығады

11.03.2023 20:00

25 наурыздан бастап Ұлттық арна эфирінен «Qazaqstan дауысы. Балалар» музыкалық мегажобасы көрсетіле бастайды. Қазір «Көрмей таңдау» кезеңінің түсірілім жұмыстары жүріп жатыр. Қатысушыларға қазылық ететін төрт тәлімгердің аты белгілі. Олар: «Ninety One» тобының мүшесі – Alem. Әнші – Мархаба Сәби, Қазақстанның еңбек сіңірген қайраткері, өнертану ғылымдарының профессоры – Толқын Забирова және Қазақстанның еңбек сіңірген мәдениет қайраткері Жұбаныш Жексенұлы. Әр тәлімгер тобына үздік дауыс иесі деп тапқан 15 баланы жинайды. Айта кету керек, жас өнерпаздардың арасында тек қазақстандық қана емес шетелден келген қатысушылар да бар.

Джеспер Хану, «The Voice Kids» жобасының өкілі:

Бұл ауқымы кең музыкалық, ойын-сауық бағдарламасы қазір әлемнің 180 елінде ұйымдастырылады. Қазақстанға бірінші рет келіп тұрмын. Ұйымдастырушылардың әрбір ұсақ-түйекке дейін мән беріп жұмыс істегені көрініп тұр. Сондықтан, бұл маусым да көрерменнің көңілінен шығады деп ойлаймын.

Данияр Асылбек

Бөлісу