Ақмола облысында алтын ұрламақ болған 25 адам сотталды

Ақмола облысында құрамында алтын бар кенді ұрламақ болғандар сотталды. Қылмыстық топ мүшелері Шортанды ауданындағы Жолымбет кенішіне өздерін жаңа қызметкер ретінде таныстырып, заңсыз кірген. Кейіннен алтынды өз беттерінше қазып, қоймада сақтаған. Бірақ олардың бұл әрекеті дер кезінде анықталды. Күдіктілер құрамында алтын бар кенді шахтадан шығарып үлгермеген. Облыстық сот шешімімен 25 адамның әрқайсысы 3 жыл 9 айға бас бостандығынан айырылды. 

Ұмсындық Наурызбаева