Павлодар облысында дауыл соғып, бірнеше ғимаратқа зақым келді

Павлодар облысында дауыл соғып, бірнеше ғимаратқа зақым келді. Қатты жел жағажайдағы сахнаның желкенді жамылғысын жыртып, темір тұғырын майыстырған. Ал 4 қабатты мына әкімшілік ғимараты мемлекеттік бағдарлама бойынша былтыр ғана жөнделген. Шатыры тұтастай ұшып кетті. Баянауыл ауданы, Жаңатілек ауылында бастауыш мектептің төбесіндегі қаңылтыр жамылғысы жартылай ғана қалды.

Табиғаттың тосын мінезінен облыс аумағында 10 нан аса ғимаратқа зақым келді. Көбі мемлекеттік мекемелер. Ал жарықсыз қалған Май және Аққулы аудандарындағы 20-дан аса елдімекенге кеше кешкісін электр энергиясы қайта қосылды. Шығын есептеліп жатыр. 

Болат Аманбаев