Пікірсайыс - сайлау науқанындағы ең ұтымды технологиялардың бірі

Қазақстан телеарнасында өткен талқылауда сарапшы Алуа Жолдыбалинаның айтуынша, сайлау науқанындағы ең ұтымды технологиялардың бірі - сайлау. Өйткені, пікірсайыста қысқа уақыттың ішінде адамдарға көп ақпарат беруге мүмкіндік бар. Оның пікірінше, партия өкілдері эфир уақытын ұтымды пайдаланса көрерменге өз бағдарламасының ұтымды тұстарын барынша насихаттай алады. Сонымен қатар партия идеясының халыққа қаншалықты өтімді екенін тексеруге мүмкіндік бар.

Алуа Жолдыбалина, ҚР президенті жанындағы Қазақстанның стратегиялық зерттеулер институты директорының орынбасары:

Пікірсайыс негізінен президенттік сайлауға тән, басым бөлігі. Бірақ көп жылдардың тәжірибесі көрсеткендей, Парламенттік сайлауда да өте жиі пайдаланылады. Бұл саяси партиялардың жетекшілеріне өте үлкен мүмкіндік береді. Саяси партия деген ол ұйым ғой. Ұйымның атынан шыққаннан кейін оның айырықша белгісін, оның артықшылығын, оның басқа партиялардан қандай ұтымды жағы барын көрсетуге мүмкіндік береді.