Ұлтқа ортақ құндылықтар дәріптелуі керек

Ұлтты ұйыстыратын ортақ құндылықтарды дәріптеу қажет. Сенат төрағасы Мәулен Әшімбаев диалог алаңында қоғам қайраткерлері, сарапшылармен бірге осы тақырып аясында пікір алмасты.

Ашық форматтағы жиында елдегі реформалардың жүзеге асырылуы сөз болды. Президенттің «Әділетті Қазақстан» бастамасына ұлт болып ұйысып, әрбір адам өз үлесін қосуы керек. Бұл бағытта медиасарапшылар мен креативті индустрияның өкілдері ортақ құндылықтарды дәріптеп, оны насихаттауда контенттердің жаңа үлгісін ұсынды.

Мәулен Әшімбаев, ҚР Парламенті Сенатының Төрағасы:

Ақпараттық тұрғыдан өте бір күрделі заманда ортақ құндылықтарды дәріптеу үшін ұтымды, заманауи тетіктер керек. Механизмдер керек. Ол тетіктер әртүрлі әлеуметтік топтарға, әртүрлі жастағы адамдарға жеке жасалуы керек.

Рауан Кенжеханұлы, «Bilim Media Group» компаниясының директоры:

Бізге қазіргі заманға лайық құндылықтардың керектігі анық. Және өзіміз үшін анық нәрсе бұл құндылықтар әрбір жеке адамның тұлға ретінде адам ретіндегі бағытымен де тікелей қатысты оларға да ортақ болуы тиіс.

Әділбек Серікұлы