Атырауда сұйытылған автогаз тапшы

Атырауда сұйытылған автогаз тапшы. Қазір бекеттерде ұзын-сонар кезек. Өйткені отын көбінде жоқ. Барының өзі талонмен сатып жатыр. Проблема мұнай өңдеу зауытындағы каталикалық крекинг қондырғысын жөндеуге байланысты туындаған.

Ай басында кәсіпорында жедел штаб құрылып, шұғыл жұмысқа кіріскен еді. Олар жанар-жағармай шығаратын өндірістік блокты жақын күндері қосамыз деп отыр. Қондырғының бірнеше рет бұзылуы газдың тәуліктік өндірісін 600 тоннадан 170-180 тоннаға дейін төмендетті. Оның 120 тоннасы өңірдің ішкі нарығына жұмсалған.

Жандос Темірғали