Ақмола облысында көлік апатынан үш адам қаза тапты

Ақмола облысында пойызбен автокөлік соқтығысып, үш адам қаза тапты. Оқиға Шортанды кентіндегі орталық өткелде болды. Облыстық Полиция департаментінің мәліметінше, көлік жүргізушісі шлагбаумды айналып өтіп, тыйым салынған белгіге қарамастан теміржолмен жүріп өткен. Апат салдарынан көлік жүргізушісі, 48 және 58 жастағы екі жолаушы көз жұмды. Жарақат алған тағы үш адам ауруханаға жеткізілді. Тергеу жүріп жатыр.