Жаңалықтарды Telegram арнамыздан оқыңыз!Қызылорда облысында қар аралас жаңбыр көктайғаққа ұласып республикалық автожолдарда өткен тәулікте 14 жол апаты тіркелді. Қозғалыс айтарлықтай қиындады. Күрежолда көлік соқтығысып, 1 адам көз жұмып, 10 адам дене жарақатын алды.
Қайғылы жағдай «Самара-Шымкент» трассасының Сұлутөбе ауылының маңында болған. Қырғызстан еліне бет алған Тойота автокөлігі жолдан ауып, жүргізуші тілге келместен ажал құшқан. Жанында болған 6 адам түрлі дене жарақатымен ауруханаға жеткізілді. Аталған оқиға бойынша қылмыстық іс қозғалып, мән-жайы анықталуда. Полиция ауа-райының қолайсыздығынан әзірге ұзақ жолға шықпауды ескертеді.
Әділбек Серікұлы
