«Астана балет» Будапешт театрының сахнасында өнер көрсетеді

«Астана балет» би ұжымы Венгрияға гострольдік сапармен барады. Жас театр Будапештте «Шығыс рапсодиясы» қойылымының жаңартылған бағдарламасын ұсынбақ. Қойылымға театр ашылған кездегі премьералық номерлермен қатар, қазақстандық хореографтардың жаңа туындылары да кіріп отыр.

Концерт Будапешттің өнер театрында 4-ші мамырда өтеді. Бағдарлама әралуан сипаттағы билерден тұрады. Соның ішінде қазақ билерінің алатын орны ерекше. Бұған дейін қазақстандық ұжым елімізден бөлек Ресей, Әзірбайжан, Қытай, Корея, Франция және Австрияда өнер көрсетті.

Сәуле АЛДАМҰРАТҚЫЗЫ