Қазақстандағы кедей азаматтардың саны 5,1 миллионға өсті

Биыл Қазақстандағы кедей азаматтардың саны 5,1 миллион адамға өсті. Бұл туралы Еңбек және халық әлеуметтік қорғау министрі Тамара Дүйсенова айтты.

Өткен жылы аталған көрсеткіш 4,9 миллион болған. Санның едәуір өсуіне инфляцияның жоғарлауы әсер еткен. Сондықтан азаматтар табысының көп бөлігін тамаққа жұмсап жатыр,-дейді ведомство басшысы.

Тамара Дүйсенова,ҚР Еңбек және халықты әлеуметтік қорғау министрі:

Азаматтар қаражатының көбін азық-түлік себетін алуға жұмсап жатыр. Мысалы 150 мың теңге десек, қазір осы ақшаның 60-70%-ы азық-түлікке жұмсалады. Осылайша отбасының одан әрі дамуы үшін қалатын қаражат азайды. Әрине, бұл жағдай әрбір отбасының бюджетіне әсерін тигізеді.

Асылбек Данияр