Алматыда «Киіз үй мерекесі» қалалық фестивалі өтуде

Алматыда тұңғыш рет «Киіз үй мерекесі» қалалық фестивалі өтуде. «Алматының қолөнер палатасы» қоғамдық қорының бастамасына орай «Арбатта» бірнеше киіз үй тігілді.

Мәдени шара «Қазақ пен қырғыз халықтарының киіз үй дайындау және құру өнері» мен «Қазақтың дәстүрлі күй орындау өнерінің» ЮНЕСКО-ның Адамзаттың материалдық емес мәдени мұралары тізіміне ену құрметіне орай ұйымдастырылған.

Жарыста киіз үй құрудың әдіс-тәсілдері көрсетіледі. Сондай-ақ, киіз басу, кесте тігу және басқа да ұлттық кәсіптер бойынша қолөнершілердің шеберлік сыныптары ұйымдастырылмақ. Фестиваль аясында қалың көпшілікке арналған концерттік бағдарлама да өтті.

Амангелді СЕЙІТХАН