Қостанай облысында мектептер қашықтан оқытуға көшті

Қостанай облысында қатты боран салдарынан бірқатар мектеп қашықтан оқытуға көшті. Меңдіқара, Қарабалық, Майлин мен Федоров ауданында 11 сыныпқа дейінгі оқушыларда сабақ онлайн режиміне көшкен.

Ал Лисаков қаласында 8 сыныпқа дейінгі балалар мектепке бармайды. Сонымен қатар Ұзынкөл ауданында 14 мектептің, Қостанай ауданында 1 мектептің бастауыш сыныптары қашықтан оқиды.

Аймақта желдің жылдамдығы секундына 25 метрге жеткен. Әзірге жолдардың жабылуы мен зардап шеккендер жайлы мәлімет жоқ.