Жаңалықтарды Telegram арнамыздан оқыңыз!«Amanat» партиясы «Жастар Рухының» үздік волонтерлары мен белсенділерін марапаттады. Оларға алғаш рет «Рухтастар» жастар сыйлығы табысталды. Үздіктер қоғамдық қызметі мен жастар саясатының дамуына қосқан үлесі үшін ерекше мүсінге және арнайы сертификатқа ие болды. «Қайсар», «Нұрлы ақыл», «Ыстық қайрат» сынды 10-ға жуық аталым бойынша марапатталды. Арасында Семей, Өскемен, Қостанай, Петропавл, Тараз, Орал мен Жаңаөзеннің өкілдері бар. «Жастар Рухы» жастар қанатының Павлодар және Ақмола облыстарындағы филиалдары «Үздік филиал» номинациясы бойынша жеңімпаз атанды.
Асхат Оралов, «Amanat» партиясының атқарушы хатшысы:
Президент айтты ғой, Әділетті Қазақстан жастарының бойында үш қасиет табылуы кеерк деген сөз. Ол терең білім болу керек, отансүйгіш болу керек және еңбекқорлық болу кеерк. Осы 1-2 жылда еліміз көптеген сынақтардан өтті. Мұның барлығының бел ортасында «Жастар рухының» белсенділері болды. Әділетті Қазақстанды барлығымыз бірігіп, бір тудың астында бірге болып, бірлесіп болашақта құрамыз дегенге ешқандай күмәніміз жоқ.
Дарын Сағитов
