Жаңалықтарды Telegram арнамыздан оқыңыз!
Алматыда мүгедек балалар мен ересектерге жаңа жыл кеші ұйымдастырылды. Мерекелік шарада жүзден астам бала түрлі ойындарға қатысты. Сыйлық алып, мәз-мейрам болған олар мерекелік көңіл-күйді сезінді.
Ата-аналар ерекше балалардың осындай ортада көңілі сергіп, ашыла түсетінін айтады. Сол себепті қайырымдылық шарасының мән-мағынасы зор,- дейді әлеуметтік қызмет көрсету орталығының мамандары.
Ләззат Зәкірбаева, Арнаулы әлеуметтік қызмет көрсету орталығының директоры:
Олар негізі осындай шараны жақсы көреді. Биді, бұл өздерінің ортасы ғой. Өздерін емін-еркін сезінеді, қысылмай. Балаға сыйлық беріледі. Үйде қалған, келе алмайтын балаларға да апарып береміз.
Фариза Мұсақызы
