Тоқаев Stadler Rail AG директорлар кеңесінің төрағасын қабылдады - «Qazaqstan» Ұлттық телеарнасы

Тоқаев Stadler Rail AG директорлар кеңесінің төрағасын қабылдады

14.12.2022

Мемлекет басшысы Stadler Rail AG компаниясы директорлар кеңесінің төрағасы Петер Шпулерді қабылдады. Тараптар Қазақстанда жолаушылар вагондарын жасау жөніндегі жобаны жүзеге асыру жайын талқылады. Өндірістік білім мен сарапшылық құзыретті үйрету мәселесін де қарастырды. Швейцариялық компания 2030 жылға қарай теміржол өндірісіне қажет бөлшектерді жергілікті жерде өндіру деңгейін 35 пайызға дейін арттыруды жоспарлап отыр. Осылайша, қазақстандық өніммен экспортқа шығуды көздейді. Президент бірлескен жобаның жүзеге асуы Қазақстан - Швейцария арасындағы сауда-экономикалық ынтымақты нығайта түсеріне сенім білдірді. 

Әсима Нұрбайқызы

Хабарламаларға жазылу