Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Сауд инвесторларын Қазақстанға қаржы құюға шақырды. Президент Сауд Арабиясы Корольдігі консультативтік кеңесінің төрағасын қабылдады. Тараптар екіжақты сауда-экономикалық қарым-қатынастарды арттыру мәселесін талқылады.
Мемлекет басшысы Сауд компанияларының әлемдік нарықтағы мүмкіндіктері мен тәжірибесін ескере отырып, Қазақстандағы жобаларға белсенді қатысуға шақырды. Сондай-ақ Абдалла Әл аш-Шейхті ІІ дәрежелі «Достық» орденімен марапаттады. Сауд Арабиясы ислам әлеміндегі сенімді серіктес әрі еліміздің тәуелсіздігін мойындаған алғашқы араб мемлекеттерінің бірі екенін атап өтті.
Қасым-Жомарт Тоқаев, Қазақстан Республикасының Президенті:
Сауд басшылығымен әрдайым байланыстамыз. Тамызда тақ мұрагері Мұхаммед бен Салман Әл Саудмен телефон арқылы әңгімелескен кезде бірқатар уағдаластықтарға қол жеткізілді. Ал қыркүйек айында Инвестиция министрі Халид әл-Фалихпен кездестім. Бұл байланыстар екі ел арасындағы ынтымақтастыққа серпін береді деп есептеймін.
