Алматыдағы дәрісханалардың біріне Әбсаттар Дербісәлі есімі берілді

Алматыда «Шығыстану және руханият мәселелері» тақырыбында халықаралық конференция өтті. Шара аясында көрнекті ғалым Әбсаттар Дербісәлі атындағы сирек кітаптар мен қолжазбалар қоры ашылып, дәрісханаға есімі берілді. Ұлттық ғылым академиясының академигі, шығыстанушы ғалым бар ғұмырын елдің, қоғамның ынтымағына, оқу- ағарту саласына арнады. Арабтану ғылымының негізін салушылардың бірі ретінде монографиялар мен құнды еңбектер жазды. Бас мүфти болған тұсында ислам дінінің құндылықтарын дәріптеуге, сондай-ақ конфессияаралық және ұлтаралық келісімнің нығая түсуіне қомақты үлесін қосты.

Наурызбай Қажы Тағанұлы, ҚМДБ төрағасы:

«Мешіт пен медреселер» кітабында еліміздегі бүкіл тарихи мешіттер, заманауи мешіттер, тарихи медреселер, қазіргі уақытта салынған медреселер жөнінде кеңінен ақпарат берілді елімізде. Алдағы уақытта Қазақстан діни басқармасының төралқа мәжілісінде Хазіретіміздің атын еліміздегі бір мешітке берілу жоспарлануда.