Қазақстанның реформалары өзге елдерге үлгі

Халықтың пікірін ескере отырып, демократиялық реформалар жасау оңай емес. Бұл жолда билік пен бұқара бірлесе әрекет етуі қажет. Түркиялық сарапшылар Қазақстандағы реформаларға қатысты осындай пікірде. Осы аптада өтетін саяси науқан ел тарихындағы тағы бір маңызды шара.

Юксель Өзкан, «Түркия ұлы» ұлттық мәжілісінің депутаты:

Келер жылы Түркияның 100 жылдығын атап өтеміз. Бізде де демократиялық қоғам құру жолында шешілмеген көптеген мәселелер бар. Ал қоғамның үніне құлақ түру, халықтың көзқарасын ескере отырып реформа жасау оңай емес. Сондықтан Қазақстанның жүзеге асыра бастаған реформалары барлық түркітілдес елдер үшін үлгі боларлық сипатта.

Месут Кара Көсе, «Сахипкыран» саяси зерттеулер орталығының басшысы:

Қазақстанда сайлауға байланысты, жергілікті өзін-өзі басқару тәсілдеріне қатысты ерекше реформалар жасалып жатқанын көріп отырмыз. Бұған дейін де Қазақстан бірқатар демократиялық бастамалары арқылы өзіндік жолымен дамып келе жатқанын білеміз.

Айдос Әшім