Халықтың жартысына жуығы спортпен тұрақты айналысады

Қазақстандықтардың жартысына жуығы тұрақты түрде спортпен шұғылданады. Арнайы жүргізілген сауалнамаға қатысқандардың 47,7 пайызы дене шынықтырумен немесе спортпен айналысатындарын айтқан. Бұл көрсеткіш былтырғымен салыстырғанда 1,2 пайызға көп. Спортқа қызығушылық қала тұрғындары арасында сәл жоғары: қалада халықтың жартысы, ауылда 45 пайызы белсенді өмір салтын ұстануға тырысады. Зерттеуге 12 мың респондент қатысқан.