Беларусь Республикасында қазақстандықтар үшін екі сайлау учаскесі жұмыс істейді

Беларусь Республикасында қазақстандықтар екі сайлау учаскесінде дауыс береді. Отандастарымыз Минскідегі Қазақстан елшілігінде және Брест қаласындағы консулдықта өз таңдауын жасай алады. Ол үшін алдын-ала тіркеуден өту керек. Халықаралық байқаушылар да саяси науқанның әділ өтуіне атсалысамыз деп отыр.

Олег Гайдукевич, Халықаралық байқаушы, либералды-демократиялық партияның төрағасы:

Байқаушының басты міндеті - сайлау процесіне араласпау. Сонымен қатар саяси науқанға халықаралық талаптарға сай өз бағасын беру. Бұл ең алдымен Қазақстан халқының таңдауы екенін түсінуіміз керек. Олар кімге дауыс беретінін өздері шешеді. Біз Қазақстандағы саяси науқаннан оң тәжірибе жинап, оны өз елімізде қолданамыз.

Индира Бегайдар