Ресейде «Цербер» штамы тіркелді

Ресейде коронавирустың «Цербер» деп аталатын жаңа түрі тіркелді. Өзгелеріне қарағанда бұл штамның жұқтыру көрсеткіші өте жоғары. Соңғы апталарда инфекция жұқтырғандар азайған. Алайда жаңа штамдарға байланысты ауру қайтадан күшеюі мүмкін.

Сонымен қатар респираторлық вирустық инфекцияның маусымы басталды. Сондықтан елде тұмауға қарсы жаппай вакциналау жүргізіліп жатыр. Пандемия басталғалы Ресейде 22 миллион адамнан вирус анықталды.

Николай Малышев, инфекционист-дәрігер:

Түркияда демалып келгендердің төрттен бірі індет жұқтырғаны белгілі. Бүгінгі күні елде коронавирустың 500-ден астам штамы бар. Кей түрі бірнеше айдан кейін жоғалып кетеді. Жалпы коронавирустың жаңа штамдарында ауру анағұрлым жеңіл өтеді.

Индира Бегайдар