Заң мен тәртіп – әділетті қоғам негізі

Қауіпсіз қоғам қалыптастыруда азаматтық жауапкершіліктің маңызы зор. Мемлекет басшысы «Заң мен тәртіп – қоғамымыздың негізі болады» деп атап өткен еді.

Ел дамуының болашақ бағдары – әділет салтанат құратын қоғам құру. Және әр азамат сол қоғамда өзін қауіпсіз сезінуі тиіс. Ол үшін тұрғындар заңға бағынып, тәртіп болуы қажет дейді, сарапшылар. Қарапайым жол ережесін сақтап, айналаны таза ұстап, әдептен аспағаны абзал. Президент «Заң үстемдігі болмаса, тұрақтылық та, даму да болмайды» дегенді үнемі айтып келеді. Осы ретте азаматтардың жауапкершілігі жетекші рөл атқарады дейді, тәлімгерлер кеңесінің төрағасы.

Бектібай Блекешов, Ішкі істер органдарының ардагері, облыстық Полиция департаменті тәлімгерлер кеңесінің төрағасы:

Президентіміз «Заңға құрмет - елге құрмет» дейді. Егеменді еліміздің болашағы ол заңды қорғау, заңдылықты сақтау дейді. Бауыржан Момышұлы атамыздың сөзі бар: «Тәртіпке бағынған құл болмайды» деген. Тек қана полиция қызметкері емес, қарапайым халық заңдылықты, тәртіпті қатаң сақтауы қажет.