Ақмола облысында кәсіпкерлерден ақша бопсалағандар ұсталды

Ақмола облысында кәсіпкерлерден ақша бопсалаумен айналысқан қылмыстық топ ұсталды. Құқық қорғаушылар 26 мен 32 жас аралығындағы барлығы 6 күдіктіні қолға түсірді. Олар қоқан-лоқы көрсету, күш қолдану арқылы кәсіпкерден екі жарым миллион теңге бопсалаған және оның көлігін тартып алған. Күдіктілердің осындай өзге де қылмыстарға қатысы бар екені анықталды. Тінту барысында суық қарулар, мылтық, сондай-ақ, есірткі тәркіленді. Ұйымдасқан топ «қылмыстық идеологияны» ұстанып, оны жастар арасында насихаттаған. Тергеу басталды.

Ермек Елберген