Украинадағы ахуал: 24 ақпаннан бері 7 мың бейбіт тұрғын қаза тапты

Жаһаннан бірер ақпарат. Украинада ақпанның 24-де басталған қарулы қақтығыстан 7 мыңға жуық адамның өмірі қиылды. Бұл - БҰҰ-ның Адам құқықтары жөніндегі жоғары комиссары басқармасының мәліметі.

Миллиондаған адам үйін тастап кеткен. Ғимараттар жермен-жексен болып, энергетикалық инфрақұрылым қирады. Бұған дейін америкалық «Вашингтон пост» басылымы АҚШ Украина билігін Кремльмен келіссөз бастауға ынталандырып отыр деп жазған еді.

Киев болса ешқашан келіссөзге қарсы болмағанын айтып, бұл үшін Ресей өз әскерін толық әкетуі тиіс деді. Украина президенті кеңсесі басшысының кеңесшісі: «Бұған Путин дайын емес, демек тек келесі Президентпен ғана келіссөз жүргізуге болады"»,-деп мәлімдеді.

Арай Төлеген