Түркістанда балабақша мен үйлерді су басты

Тоқтаусыз жауған жаңбыр салдарынан, Төле би ауданындағы Бірінші мамыр ауылын су алды. Қызыл су елдімекендегі бір балабақша мен 25 үйдің ауласын және бірнеше көшені басқан.

Құтқарушылар жауын-шашынның салдарымен күресіп жатыр. Түркістан облысы Төтенше жағдайлар департаментінің хабарлауынша, қызметкерлер ағынның жолын бөгеу үшін 200 қап инертті материал төсеген.

Қазгидромет бүгін де өңірде жаңбыр жауатынын хабарлап отыр.

Серік Селеубай