Жаңалықтарды Telegram арнамыздан оқыңыз!Шымкентте мемлекеттің 19 миллион теңгеден астам қаржысын жымқырған балабақша меңгерушісі 5 жыл жаза арқалады. Ол үш жыл бойына базаға жалған деректер енгізу арқылы қосымша ақша алып келген.
Яғни, «Балапан» бағдарламасымен мектепке дейінгі білім беруді жан басына шаққандағы қаржыландыруға бөлінген ақшаға қол сұққан. Бұл істі қаржылық мониторинг агенттігінің қызметкерлері анықтады. Алаяқтықпен айналысқан меңгеруші бұған дейін үш балабақшаны басқарған. Мектепке дейінгі мекемеге ешқашан бармаған, тек қағаз жүзінде ғана аты-жөні тіркелген сәбилер туралы дерек осы үш балабақшадан табылып отыр.
Әлібек Әбділов, ҚР Қаржылық мониторинг агенттігінің ресми өкілі:
Ол кінәлі деп танылып, 5 жылға шартты түрде бас бостандығынан айыру жазасына кесілді, мемлекетке келтірілген 19,3 миллион теңге залал толығымен өтелді.
Ғани Қалмахан
